O colapso da política de esmolas do PSOE amosa unha vez
máis que cando fracasa a socialdemocracia, paga o pobo.
A negativa do Parlamento español á aprobación do chamado decreto ómnibus ameaza con castigar duramente o peto da clase obreira galega: rematan as axudas ao transporte e as pensións ameazan con quedar conxeladas, pero a cesta da compra sobe cada vez máis.
É unha práctica recurrente na política española a elaboración de paquetes de medidas presentadas para ser votadas en bloque. Que incluía este paquete? Unha suba do 2,8 % das pensións, a prórroga do imposto ás enerxéticas ou axudas ao transporte público, entre outras cousas.
Por que Junts decidiu votar que non? Descontentos cun imposto ás enerxéticas que, segundo eles, pode perxudicar ás empresas catalás, amósanse molestos tamén coa inclusión no decreto de medidas relacionadas co eido xudicial que ameazaban á aplicación da lei de amnistía.
O fracaso deste intento de chantaxe do PSOE, empregando como arma o benestar dos obreiros do Estado para forzar as negociacións, amosa o insuficiente que resulta para a nosa clase o modelo baseado en esmolas da socialemocracia. O proletariado non pode depender da caridade dunha casta política corrupta ata a medula e permanentemente axeonllada ante os intereses da Patronal.
Agora toca ver como esquerda e dereita intercambian acusacións no Parlamento mentres traballadores e traballadoras seguen a perder oito horas ao día para que aos xefes non lles falte de nada. Mentres tanto, Renfe continúa ofrecendo o seu servizo habitual: prazas insuficientes, frecuencias pésimas e retrasos sistemáticos que poden ir dos dez minútos a máis dunha hora, pero agora máis caros aínda.
Nacional – Faísca Xaneiro 2025